انتى مين
صرخة بتدوى فى حشا
الطيبين الشقيانين
ولا سكينه فى ايد الجبارين
ولا خندق مستخبى فيه
فيه الاف متنكرين
ولا ورده دبلت قبل الاوان
لما شربت دم ابنى المستكين
ولا ارض ما بتشبع دما
ولا احنا ف اديهم دما
ولا شعب بيصون الحمى
ردى قولى انتى مين
انتى البراءه ف
 قلبنا ولا انتى ابليس اللعين
انتى ملاك جاى م السما
ولا انتى جرحى والانين
رد ياقلب الحزن الصامت سنين
ياعلم جوا العقول انكسر
وما ينجبر الا بواحد من اتنين
اما نقفل العقول ع اللى حصل
بطوب وطين
يا اما ناخد حقنا بعقلنا
مش بحرق وهدم اوعصيان للمدنيين
هم قاعدين فى بلادهم
ينكزونا
واحنا م الخيبه وراهم ف التدمير متورطين
شوفوا من امته هواهم كان هوانا
ولا حبوا مره يزيد خيرنا وتروق سمانا
لا اسرائيل ولا امريكا عايشين معانا
لازم نزرع خير بلدنا بادين ولادنا
ولا نسمح لهم فى يوم
يشربوا من نيلنا ولا يتغطكوا بسمانا
ماهى ارضنا وعرضنا ودمنا
لو كلنا نموت هتبقى بعدنا
قوموا وقولوا كلنا مع حلمنا
لا عصيان مدنى ولا غير شغلنا
يرجع لينا يا مصر حقنا
قومى بقى وكفايه صمت
قلوبنا وجع والغرب شمتا
قومى بقى وقولى الحقيقه
قولى اولادى ف بحور غريقه
لمى ولادك يابلادى لساها السكه عتيقة
والف مين واقف هناك بعيون تعالب
يتمنا يتقسم ولادك الف قالب
ويبقى مين مغلوب ومين اللى غالب
ويولعوا فيكى مليون حريقه
بحبك وصعبان عليه حالك
لاجمال جمالك وولا مبارك بارك احوالك
ولا العدلى عدل ولاى الشريف شرف اعلامك
فوقى وقومى واصرخى
دا كل ده من حبى فيكى صحصحى
الله اكبر يارب بكره تفرحى
والفجر يطلع وبالامان تتوشحى
لوحتى روحى هتطلع مطرحى
بس المهم تبقى بامان
بس المهم تبقى بامان