اما ثنيه مراتى ياناس

عاملالى طبسيه عدس

محتاجه بدلة غطاس

وانزل اخد جواها غطس

اصل الجو برده شديد

ومفيش لحمه ترم الجسم

والمشلتت بقى ممنوع

مفيش دقيق ولا سمن تبس

عملت حله عدس كبيره

وفتت فته نكفى الكل

قلت اعزم عليها اخوانا

واهى فرصه نقعد نتلم

نعرف فين راسنا ورجلينا

ماهو توهنا من كتر الهم

ردت قالت يا مخبول

كل انت وبسرعه اتلم

اياك فاكر راح ياكلوا العدس

دول شبعوا من شرب الدم

كفايه علينا عدس وفول

وقول ديم النعمه يارب

قلت اتخبلتى ياثنيه

هتروحى فين من اديه

هديكى علقه سخنه تمام

واجيبلك ضره صينيه

قلت علقه بعلقه هقول

مقدرشى على حمل القدره

راح يتخانق ويا الفول

ياراجل اصحى وافهمنى

وبلاش مخك المقفول