يا ام الدنيا ليه واقفه كدا حايره
وانتى اللى كانت الدنيا من تقدمك غايره
يا نبض قلب الملاين عشانك كتير قلوب ثايره
لكن فى ضلك عاش خاينين طالبين تكونى يوم بايره
يا ضل كل قلب حزين حالفين بنيلك
نرجع ليكى عز سنين والخير يجيلك
وابنى اللى لف بلاد بيقول هجيلك
دا وقت الشده يا امى اقيد اناديلك
دا انا فى الغربه كان قلبى حزين يناديلك
ولا يهمك يا ست الكل دمانا فدا لترتيلك
ومهما طال ليل الظلم لابد الفجر يزيل ليلك
يا غاليه اوعى يوم الحزن يملاكى
طول عمرك كنتى ست الحسن ولساكى
واللى يفكر يوم يهزك نبيده بايدنا ونرعاكى
يا دمع النيل يانخل بلادى ياباكى
يا نبض كل مصرى امين اهواكى يا امى اهواكى
يلا بنا بقى كفايه عويل على اللى راح
مش راح نسكت على اللى ظلم ونقوله سماح
لكن كمان قلبك يا غاليه مليان جراح
بايدى وايدكم نداوى ونزرع افراح
تخطى بلادى على موجها يزرع ببراح
مليون فجر بياذن الفجر اهو لاح
غرد يابلبلى الشادى يامصر نجاح
وقولو معانا بهمه حى بقى على الفلاح