قال بيقول بيحبنى
تصدق بالله ضحكتنى
لما حبيب القلب يجرح
يبقى العدو لى يفرح
والله صحيح حيرتنى
هى المحبه ع اللسان ننطقها بس
ولا كلمه تتشرح فى الف درس
ولا وردة وسط الحاجات تيجى وتندس
ولا قصيده شعر فيها تحطنى
انت خلاص خسرتنى
قوللى صحيح
قبل مافوتك انت ليه قلت حبيبتى
كنت عايز تكتشف ضعفى وخيبتى
ولا كنت ناوى تتاكد هبلى وطيبتى
ولا حد وصلك انى بعبطى
لازم اكيد هصدقك
وانى وسط جراح سنينى هازرعك
امل وخاب
زى سهام كتير فى عمرى منها صاب
وانى جريت ورا السراب
لكن خلاص
كل الحقيقه خلاص بقت قدام عنيه
ومش هقول انك فى يوم كنت ليه
يمكن صحيح الالم يزيد شويه
لكن اكيد هارجع انا على رجليه
واجعل طريقى لحلمى واخطى العذاب