قلب الحقايق مر لكنه بيفيدك
اوعاك تسيب الجرح يزيد فى تقييدك
فك القيود وطير اتوكل على سيدك
طول ماانت قلبك خير ربك هيسترها
ومهما تضيع الفرص خيرها يكون غيرها
واللى يفوتك يوم عليه متندمشى
واوعاك تعدى يوم بفرحك متحلمشى
دا الكسر له جبرته والحزن ما يدومشى
ايدك فى ايد حلمك وانسى قساوة الناس
متقولش مرار الجرح زاد وغطى الكاس
لا قول جرحى كبر وليه رب الناس
يشفى جراح البشر ويبدل الاحساس