قصيدة/انا باعترف

انا باعترف لازم اعترف

بانى قطرات الندى

كل الزهور من ندايا بترتشف

قلبى انا غير البشر

طبعى انا فوق الصغر

طيبتى هناكانت فى ليل الظلم اجمل م القمر

كونوا زمر

انا زمرتى زمره لخير مش لشر

بالمختصر انا سحر

سينى سنين القمح فى بلدى انبدر وقوام اخضر

واما الحاءحنان جمع شمل بلادى وعلم الناى السهر

واما الراءرحاله فى دنيا غريبه اشرب كاسات المر

بادين البشر واسقيهم بايدى كاسات من الهنا برغم الغدر

انا سحر

حرفى بكى ومعاه كتير قلبى انفطر

انا السهر وانا السمر وانا الرحيل والمستقر

وانا الليالى المتجرحه من غير نجوم من غير قمر

انا الطريق عمال يطول بدون رفيق حكم القدر

بقلمى/سحر ابراهيم حراز