انا اللى قلمى احتار

انا اللى بات القلم من المى متعجب 

كل ما قله اوصف يبص يستغرب

عوزانى عن الالم والجراح اكتب

داحبرى نزفه دم والورق قال اكدب

الحمل عليه تقل مش قادر استوعب

===========================

معقوله فيه ناس بكل الالم ده تعيش

وعايشه وسط النور مش ضلمه  الخفافيش

رغم الالم والظلم بالخير تحب تعيش

سندها دوم ربنا وغيره ليها مفيش

============================

يااللى اصابك سوء اوعاك تستسلم

دا ربك رب الجود خليك معاه تسلم

اوعاك تشكى لبشر منهم ربى يسلم

الم المرض ينتهى وجرح البشر علم

لكن ادينا عايشين فى الدنبا نتعلم

============================

ياللى جراح البشر فى الحياه صايباك

متخافش يوم م البشر مدام الرب معاك

تدعى ف جوف الليل وملايكته سمعاك

تقول له عبدك تعب نزل له من رحماك

يقول انا طبيبه يا عبدى عيونى ترعاك

اوعاك تياس يوم دى الجنه بتستناك