قصيده/ انا مسلمه ولبسه النقاب
ايوة انا مسلمه ولبسه النقاب
قولولى ايه المشكله وليه العتاب
لازم اعيش فى العرى عشان اعجاب
وليه بقى ساعة النقاش العقل غاب
انا مش هقول انه فرض او حتى سنه
خلينا نحسبها بالعقل سنه سنه
هو اللى عنده جوهره يرميها فى وسط التراب
او حتى يديها لصغار يلعبو بيها كوره شراب
طيب تعالوا واسالوا بقى الشباب
لما تحب تتجوز تاخد واحده الكل قبلك شاف جمالها
ومهما كان حسنها واصلها وكمان دلالها
يرد يقولك لا انا عايز واحده جمالها وحسنها ليه لوحدى
واكون باخلاقها واصلها قد التحدى
اسيبها فى بيتى وانا عارف صينالى عرضى
مش كل من شافها ارتوى وسال اللعاب
عاملين ليه مشكله فى الاحتشام
وعايزينا ليه فى العرى واخد البرشام
نعيش حياه الفجر والاوهام
خللونا نعود لربنا ونفتكر يوم الحساب
انا لبست نقابى زى امهاتى المؤمنين
نفسى اكون زيهم دنيا ودين
وف الاخره احظى بقربهم واكون انا م المتقين
وعملت حساب وقفتى يوم الحساب
عرفتوا ليه بقى لبست النقاب