فى المبتدا كان الغرام مرفوع

صار الخبر بين البشر مذيوع

والفعل حب بين القلوب بيزيد

والفاعل قلبين صارو قلب شهيد

اما المفعول اتنين ضناهم الفعل

والحال حياه تلعب بالعاشقين

والوصف والموصوف صيغه مابين قلبين

فبها المبالغه عدت سنين وسنين

لغه العيون جمعت بديع وبيان

وكل القواميس هنا حاله توهان

والجذر والمد تركو قانون القمر

عاشو حاله هيام وجربو السهر

وبراكين وعواصف الايام

تمر بيهم بدون تغيير اركان

ومابين ظروف الحياه جابو مليون وسيط

وقالو نحل بالجدول البسيط

مع الاحتمال نجاح بنسبه كام

قال فيثاعورث لا مجال للاحتمال

جه افلاطون وقال الحب ده شغلتى

فى الاجتماع كتبته وبنيت عليه دنيتى

داحب عذرى من غير هدف وياه

غير طهر القلوب منين ميروح معاه

وعلم النفس قال استنونى

انتو هنا تفسرو وتنسونى

انا بايدى الهوى وانا مفتاحه

بطلو بقى تفسير وروحوا وارتاحه

الحب حاله طارئه تمر وتعدى

وهو ده التفسير اللى بقى عندى

نرجع للدين ونقول ارواح وبتقرب

واللى بتتناكر من بعضها تهرب