ارحل بعيد وخد معاك كل الهوى

ارحل بعيد دا مستحيل تكون دوى

حرام عليك دا انا قلبى منك انكوى

ارحل وخد ايام هواك

ارحل ياللى كنت فاكره قلبك ملاك

خانى وسابنى فى الطريق اشرب قساك

ارحل وفوتنى يمكن فى يوم القى العوض

واشرب كاسات من الهنا بعد المرض

والقى طبيب بايد تداوى قلب انقبض

اوعاك تفكر انى هعيش مستسلمه

ابتسم واسقيك سعادة وانا عايشه متالمه

واكتم جراحى جوه قلبى واعيش حياه مغيمه

انسى حبيبى كل ده يمكن زمان

لما قلبى كان عطيك كل الامان

قبل ما يحس انته لحبه خان

وفى النهايه بقولها ليك ارحل بقى

عيونى تبكى على راح ومتغرقه

وافكارى فيك حايره ومش مصدقه

وفى النهايه هقوللك ارحل بعيد

ورغم كل الالم اتمنالك تعيش سعيد

بس امانه عليك اوعاك تظلم من جديد

بقلمى/ سحر ابراهيم حراز