ياعمر اقف هنا معايه
استنى شويه
ليه معاك كلام عن
ايام راحت وغيرها ايام جايه
ليه رضيت الهوان
من ناس ملهاش هويه
وعشت الاستسلام
وانت روحك ابيه
وليه يا عقلى نسيت
علمك وتفكيرك
واديت لغيرك فرصه لتسييرك
ياترى دة احباط ولا قدر غيرك
تكون لحكمه اسير ويعيش ياكل خيرك
وانت تدوق الهوان وترضى بمصيرك
لكن كفايه كده رجعت لضميرك
وعرفت كلمه حق هتكون لك نورك
كده بعد الصراحه نقلب الصفحه
ونشوف بقى اللى جاى عشان يكون احلى
نحط كل الخطوط لطريق معاه فكره
تبنى وتزرع خضار وتنبت ميت فكره
تصبح بلدنا علم فى ايد اجيال حره
توصل لاعلى القمم بالعلم والخبره
يامصر فجرك جاى وعريسك راكب مهره
بيقوللك انا ملك ايدك تعيشى لى حره
وخيرك يعيش لولادكيا حلوه يا سمره
انا بيكى بقيت عريس
وليكى هكون ونيس
ولاولادك امين على امل بكره