هابعت منادى
يفضل ينادى ف كل البلاد
فيه قلب تايه
وعقل شارد قولوا يا اولاد
واللى يلاقيه
من روحى اديه كل المداد
دوروا معايه
اصل الحكايه وضعها زاد
قول يا منادى
فيه قلب هادى
بنصيبه راضى وسط العباد
خرج شويه يشوف حنيه
لقى السواد
ملى القلوب
تاه فى طريقه
من كتر ضيقه
وبات مغلوب
والعقل شارد
كان زى مارد
عمال يجاهد
جهل ورسوب
وفقر غالب
فى كل جانب
غير المرض
ويا الشحوب
حالتنا حاله
امراض شغاله
وخايفين ناخد
حتى الحبوب
ماده فعاله
منها متشاله
واهو الفقير
هو المغلوب