قالوا عنى كلام كتير >> بقلم/حسن وردانى

قالوا عنى كلام كتير 
قالوا دا جوز المدام 
ايو انا ...جوز المدام
يعنى افسح يعنى ادلع
يعنى اقول احلى كلام
بس وقت الجد راجل
لما تغلط بنحاسبها
زى ما بدلع وادادى
لازم اخد حقى عادى
لما تتعب بخاف عليها
او اشوف حزن فى عنيها
هي دي أم الولاد شايله
عنى حاجات كتير
هى تغسل هى تطبخ 
هى بتربى ولادى
والنبى خير الآنام 
قالى فيها كتير كلام
هى سكنك هى ظلك
هى بتربى الولاد
والرحمه بينك وبينها دى الاساس
وخلى بالك هى اختك
هى امك هى بنتك 
حطها جو فى عنيك
بس حسن الاختيار
حطه دايما بين عنيك
امى قالتلى زمان
يابنى احسن الاختيار
دينها دا هو الاساس
خدها ساجده خدها راكعه
خدها يابنى بنت ناس
هى هتربى ولادك
هى للبيت الاساس
ايو انا ...جوز المدام
وبسى يابنت الاصول
هى كلمه هقولها ليكى
امى دى جوا فى عنيكى
هى سهرت هى تعبت 
هى اللى جابتنى ليكى
ايوا انا جوز المدام
كلمات حسن وردانى