(مهنتك ايه ياعم)>>>بقلم انتصار سلامة

بقلمى انتصار سلامة
شعر عامى
(مهنتك ايه ياعم)
ايه مهنتك يا عم 
وليه شايل الهم 
انا مهنتى بياع الهوى
وأجلى القلوب من الهم 
حوليا الأحبة يتجمعوا 
ويقولوا هات بلالين ياعم 
ويفرحوا بألوانها الزاهية 
ويطيروها فوق اليم 
ويعلقوها فى أعياد ميلادهم 
وحواليها الحبايب تتلم 
ده بضحكة عاليه 
وده بصفارة رايقة 
وده على الطبلة يرن 
وده عمال يرقص وهو بياكل المم
وانا اللى بملاها هوى من روحى
اللى متعرفش غير الغم
مبخدش منهم غير فتافيت
يادوب للعضم ترم 
ومليش فى الدنيا بيت
يسترنى لو البرد عم 
محلتيش غير هدمة قديمة
ولقمة باكلها زى السم 
انا يابنى شايل همومى 
فوق ظهرى اللى من تقلها اتقسم 
وعيالى الدنيا خادتهم 
مبقوش فاكرين ليهم أب ولا أم .
ماهم كمان يابنى ورثوا الهم 
هنقول أيه ماهو لو زمن عمر رجع
كنا قولنا العدل هيعم 
خلاص يابنى أمشى بقة بعيد وتلم
وسيبنى استرزق
قبل ما يصيبك حبة هم
انا اصلى راجل غلبان 
لا بقول اه ولا بخلى
كلمة تطلع من الفم