شايفين هالخرابة....
من زمان كانت وطن
كانت زهور الياسمين
نايمة على خد الجميلة
يلي جمالها
لايتوصف ولا يتوزن
كانت طيور الحب
بتزين سماها
راجعه من آخر الزمان
تعيش في صيفها
وفي ربيعها
وتدفا ف شتاها
وتغني أوتار الحنين
صوت الشجن
ورقصة النورس الولهان
على الجولان
تحت المطر
ونسمة دافية
من قلوب نقية صافية
بيعشقها القمر
وبيخونها الزمن
آااااه يا وطن
لا تحزني يا طيبة
يا دمعة مسجونة
في عيون الطيبين
متوجعة متسرسبة
مهما الخيانة تسرقك
لسه قلوبنا بتعشقك
وأكيد في يوم
يا ياسمينة
راح نلتقي في مفرقك
يمكن أكون مش ابنها
ولا عشت يوم ع أرضها
لكنها.....
وردة في عيون الوطن
وقلوبنا ليكِ يا حبيبتي
هي الوطن.....
‫#‏عمر_محمد‬
شعر العامية المصري