سهرت عيون القلب
تتقاسم النظرة في حضن الليل
وصوت الحب أغنية كما المواويل
تغنيها قلوب عرفت تحب بجد
قلوب صادقة بتتلاقى في لحظة وعد
حرف الحاء وحرف الباء مافيش تالت
ما بينهم في الهوى ياما قلوب عاشت
سافر بعقلك وإفتكر أيام زمااان
حب الطفولة والصبا والمدرسة
وأول نظرة من عيون بنت الجيران
وأول حُب في الجامعة
وأول لمسة من ايد اللي حبيتها
وأول مرة بتفوت من أمام بيتها
لأن الحب كان فينا دفا وأمااان
ولو مرة آسيت م الحب وإتألمت
ما تزعلشي....
لأن الحب ده عالم...
ومش محدود مابين راجل وبين الست
تلاقي الحب في عيون اللي حبيتهم
وقلبك هو عنوانهم وسكتهم
ولو مالت بيك الدنيا
وحسيت الملل ثانية
جرب تعيش الحب
لأن الحب بيرجع قلوب سافرت
قلوب تعبت من الدنيا
ومن ألم الزمن هربت
وعاشت جوا سجن كبير بأفكارها
ومش عارفة طريق ليلها ولا نهارها
وعاد الحب في قرارها وحررها
وطرح الفرح جوا قلوب بتتمنى
تلاقي في الوجود جنة
وجنتنا في دنيا الحب
المهم....
نضل نحب
ونتلاقى بكلمة حب
‫#‏عمر_محمد‬
شعرالعامية