هو مكتوب علينا الجرح من الأحبه
وندور عالأطبه
واما ندواي الجراح بنروح مع اللي راح
ولا مكتوب علينا أبدا ما نلاقي روحنا ولانداوي جروحنا
ولا مكتوب علينا حرمانا مالحبيب
وجراحنا تزيد لهيب
ولا مكتوب علينا نقول يافرقه دايما أبدا ماتجمعينا
ولا مكتوب علينا سنينا تروح ضياع
ونروح ونقول وداع
من غيرحتي سلام ولا كلمه تقول وداع
وليه ياسنيني رايحه زي ريح السنين 
بتفرق في الحنين
أبدا ماتلم جرح لأبيزيد الأنين
لما اتملينا دايما مالفرقه والجراح
أنا نفسي بقت شتات
مليانه بالآهات
مليانه كل حاجه 
بس حاجه بتجرح
بس حاجه بتدبح
بس حاجه بتقطع وأبدا مش تداوي
أنا نفسي خلاص وزهقت
أنا نفسي خلاص وملت
معدتش خلاص وحاسه جالها فقدان شعور
ممكن تقول فتور
ممكن تقول تناسي 
ممكن تقول تعالي عالجرح والجراح
ممكن تقول معدتش حاسه بأي آمال جديده
ممكن تكون سعيده
لأ دا نفسي رافضه أصل نفسي عنيده 
دا الجرح مكنش هين 
أبدا ماكان حنين 
دا جرح وجرحه قاسي
علم علي السنين
لما معدش حنين جوايا لأي شيء
أصل كان الوداع 
وياه القلب ضاع
لما معدش قلب 
دا راح مع اللي راح
لما معدش عندي 
الا الجرح والجراح
وليل طويل وقاسي مش باينله نهار