إنسي يا دنيا

إنسي يا دنيا ما تـﮔـدرين...
وانسى يا ﮔـلبي الفرح...
لا تصدﮒ أكو محب يوفي...
ولا حب يجي بلا جرح...
كافي لا تظل توفي للهجروك...
وما يذكروك لو وقتهم سمح...
تنطّرت هواي وتحمّلت هواي...
لملم جروحك وارحل بطلة صبح...
لا تدوّر حب ووفى وكلام هواي...
منو ذكرك يوم عمرك انذبح...
وظليت تدوّر عن حب موهوم...
سراب عافك سنين ومرح...
هم رفرف ﮔـليبه عليك...
يوم طيفك من بعيد لمح...
لا ما صار كل هذا وانسى...
مثل ما نساك أيام ودور ربح...
بعد هذا كله تستغرب ببعاده...
شلون تستغرب للغيرك طمح...
أعوام وسنين عايش بظلهم...
ناسي عشرتك وغيرك بحبه نجح...
نبع محبة دوم ما طلب شي...
تنطي الحب وما خذت غير الرمح...
إلهم الورد والماي وشبقالك يا خايب...
ﮔـلب مجروح وغيرك بنهرهم سبح...
................................................هدير