<!--
<!--<!--
تخاطيف من هبو الحلم
ﻧﻮﻡ ﺍﻟﻤﻐﺎﺭﺏ ﻣﻮﺍﺭﺏ ﺿﺮﻓﺘﻪ ﻟﻠﺮﻳﺢ
ﺍﻗﻔﻞ ﻋﻨﻴﻚ ﺣﺎﻭﻝ ﺗﻨﺎﻡ ..
ﺷﺪ ﺍﻟﻬﻢ ﻉ ﺍﻵﺧﺮ.. ﻳﻤﻜﻦ ﺗﻤﻮﺗﻠﻚ ﻛﺎﺑﻮﺱ.
ﻟﻤﺎﺷﺪﺕ ﺭﻭﺣﻰ ﻣنى
ﺻﺮﺧﺔ ﺍﻟﺒﻨﻮﺗﻪ
ﻗﻤﺖ ﺍﺗﻤﺘﻢ ﺑﻴﻜﻰ ﻳﺎﻣﻪ
ﺗﻮﺗﻪ ﺗﻮﺗﻪ
ﻓﺮﻏﺖ ﺍﻟﺤﺪﻭﺗﻪ ﻳﺎ ﺃﻣﻪ؟
ﻓﺮﻏﺖ ﺍﻟﺤﺪﻭﺗﻪ.
................................................................
خرزان يا روح الزكريات
فوق الجسد بيلب
عصفور بيغرس دقة القلب الحزين ..أنااات
جوه صندوقى الخشب
..................................................................
ﻋ ﺎﻟﺨﻂ ﺍﻟﻮﺍﺻﻞ ﺑﻴﻦ ﻓﻠﺴﻔﺔ ﺍﻟﻌﻤﺮ
ﻭﺍﻟﺤﻠﻢ ﺍﻟﻔﺎﺻﻞ ﺑﻴﻦ
ﻓﻠﺴﻔﺔ ﺍﻟﻤﻮﺕ ﻭﻏﺒﺎﺀ ﺍﻟﺤﻠﻢ
ﺧﻼﺹ ﺣﻄﻴﺖ
ﻋﻠﻘﺖ ﺍﻟﻜﺒﺖ ﻑ ﺻﺤﻦ ﺍﻟﺒﻴﺖ
ﻧﻮﻳﺖ ﻳﺎ ﺧﺮﻭﺝ
ﺃﻃﻠﻊ ﻟﻠﻨﻮﺭ ..
ﺃﻃﻔﻮ ﻋﻠﻰ ﺍﻟﺴﻄﺢ
ﻗررﺕ ﺃﻛﻮﻥ ﺍﻧﺴﺎﻥ ﺿﺎﺣﻚ
ﺭﺍﻛﺐ ﻣﺶ ﺭﺍﻛﺐ ﻑ ﻣﺮﺍﻛﺐ ﺍﻟﺸﻤﺲ
ﺣﺎﺳﺲ ﺑﺎﻟﻨﻜﺘﻪ ﻑ ﺩﻭﺍﺧﻠﻰ ﺑﺘﻤﻮﺕ ﺑﺎﻟﺴﻜﺘﻪ
ﻭﺍﻧﺎ ﻓﻮﻕ ﺍﻟﺴﻄﺮ ﺏ ﺃﻣﻮوووﺕ ﻡ ﺍﻟﻀﺤﻚ.
...........................................................
ﺭﻏﻢ ﺍﻥ ﺍﻟﺠﻮﻑ ﻣﺼﺪﻯ ﻭﺍﻟﻨﻬﺎﺭ ﺟﻮﺍﻯ ﺑﻴﻐﻠﻰ
ﻓﻮﻕ ﺟﺮﻳﺪ ﺍﻟﺤﻨﺠﺮﻩ ﺃﺣﻼﻣﻰ ﻭﻟﺪﺕ
ﻭﺍﻟﺤﺰﻳﻦ ﺑﻦ ﺍﻟﻬﺰﻳﻤﻪ..
ﻟﺴﻪ ﺟﻮﻩ ﺍﻟﺼﺪﺭ ﻧﺎﺑﺾ
ﻟﺴﻪ ﺟﺎﻣﺪ ﺯﻯ ﻣﺎ ﻫﻮ
ﻛﻞ ﻣﺎ ﺑﻴﻌﻮﺯ ﺑﻴﺴﻜﺖ
ﻛﻞ ﻣﺎ ﺑﻴﻘﻮﻝ ﺑﻴﺴﻜﺖ
ﻭﻛﻞ ﻣﺎ ﻳﺤﺘﺎﺝ ﻟﻔﺮﺣﻪ
ﻳﻨﺰﻝ ﺍﻟﻜﺎﻧﺘﻮ ﻭﻳندم
ﻳﺮﻫﻦ ﺍﻟﺤﺴﺮﻩ ﺑﺤﺴﺮﻩ
ﻳﺸﺘﺮﻯ ﺍﻟﺤﺮﻣﺎﻥ ﻭﻳﺴﻜﺖ.
.....................................
بلا ايام ..
بلاأحلام ..بلا
يادوووب مترين
يادووووب شبرين
شايفهم بس قدامى
وانا باصص على بكره.
.............................................
بكره
يا أبعد لُقا
سطينا نخلك بالشقا
التمر سطّح فى الفضا
طوبك نزل ع الأرض وردمنا.
...................................................
ﻳﺎﻟﻠﻰ ﺣﺎﻟﻜﻢ ﻫﻮ ﺣﺎﻟﻰ
ﻳﺎﻟﻠﻰ ﺻﺎﻳﻤﻴﻦ ﻑ ﺍﻟﺒﻠﺪﺩﻯ
ﻟﻴﻞ ﻧﻬﺎﺭ
ﺍﻟﺤﻜﺎﻳﻪ..
ﻣﺶ ﺣﻜﺎﻳﺔ ﻛﻠﻤﻪ ﻏﻠﻄﻪ
ﻗﺎﻟﻬﺎ ﻣﺮﻩ ﻑ ﻳﻮﻡ ﻣﻐﻨﻰ
ﺍﻟﺤﻜﺎﻳﻪ ........... ﺍﻓﻬﻤﻮﻫﺎ.
...............................................
ﻛﺎﻥ ﻓﻴﻪ ﻫﻨﺎ ﺑﻨﺖ وولد
ﺍﻟﺒﻨﺖ ﺑﺎﻋﺖ للخريف
ﺗﻮﺑﻬﺎ ﺍﻟﻨﻀﻴﻒ
آﻣﺎ ﺍﻟﻮﻟﺪ
ﻓﻀَﻞ ﻳﺒﺎﺕ ﺗﺤﺖ ﺍﻟﻮﺭﻕ
ﺍﻻﺭﺽ ﺗﺸﺮﺏ ﻣﻴﺘﻪ
ﻭﻗﺖ ﺍﻟﺠﻔﺎﻑ
ﻳﻄﺮﺡ ﻋﻠﻰ ﻭﺭﻕ ﺍﻟﻨﺸﺎﻑ
ﻗﻠﺒﻪ ﺍﻟﻠﻰ ﻋﺎﻑ
ﺯﻣﻦ ﺍﻟﺨﺮﻳﻒ.
.............................................
ﻭﺍﻧﺎ ﻣﺶ ﺭﺡ ﺍﻧﺴﻰ
ﻣﺮ ﺣﻠﻘﻰ
ﻭارتعاشى
وﺍﻧﻜﻤﺎﺷﻰ
ﻭﺍﻟﺸﻮﺍﺷﻰ ﺍﻟﺼﻔﺮﺍ ﻟﻤﺎ
ﻃﻘﻄﺖ ﻣﻦ ﺣﺮ ﺟﻮﻓﻰ ﻑ ﺍﻟﺨﻼ
ﻭﺳﺎﺑﺘﻨﻰ ﻣﺎﺷﻰ
ﻭﺣﺪﻯ ﻣﺎﺷﻰ
ماشى
ماشى
ﺩﻭﻥ ﻣﺎ ﺃﻣﺴﻚ ﺃﻯ ﺧﻴﻂ
ﻳﻘﻠﻌﻨﻰ ﻣﻦ ﺧﺸﻢ ﺍﻟﺘﻼﺷﻰ .
شعر /حمدى حسين
ساحة النقاش