جارى التحميل
استخدم زر ESC أو رجوع للعودة
 بدات كتابة هذه اليوميات ليلة 26 يناير 2011 بعد افاقة الشعب المصرى من غيبوبته وكسر قضبان سجنه الذى عاش فيه ثلاثون عام ذلا ومهانة والفساد يحطة من كل جانب
|
اكتب مذكراتى اليوم بعد تردد ولكن اليوم يوم الغضب يوم الأنتفاضة والثورة ضد الفساد والقهر والذل ,قررت كتابتها فى هذا اليوم يوم 25 يناير 2011 يوم الغضب.
كنت اتمنى ان اصبح صحفية مشهورة تدافع عن الحق وتكشف الفساد وتعبر عن راى المجتمع .. طبعا هتقولوا مثالية زيادة عن اللزوم لا تتسرعوا فى الحكم قبل ان تقرأوا يومياتى, انا انسانة بسيطة لم التحق بكلية الاعلام ولا اى كليه لها علاقة بهذا المجال ,
دراستى كانت ...تجارة وحاسب الى عملت فى اعمال عديدة مدرسة وسكرتيرة ومديرة تسويق ولذلك اصبح لدى خبرة فى التعامل مع كل الفئات .. اكيد هتقولوا ايه علقتك بالصحافة ؟..اقولكم منذ صغرى كنت اهوى كتابة القصص والخواطر وكنت اشارك فى الأنشطة الثقافية والمسابقات الثقافية فى المدرسة ومسئولة عن مجلة الحائط, يعنى كان عندى ميول صحفية منذ طفولتى.
ولكن قبل ان تبدؤا الرحلة معى فى يومياتى سأضع لكم تصورا لبلاط صاحبة الجلالة (الصحافة).
من الخارج يبدو بلاطا ملكيا عظيما ولكن تعرفوا المقولة اللى بتقول( من برة مشاء الله ومن جوه يعلم الله)..هو ده الحال فى هذا البلاط عندما تتدخله كأنك دخلت شادر كبير او بمعنى الاصح مولد ولكن صاحبه غائب ..
تجد عند منصة العرش الصحفيين والكتاب الكبار المعروفين ورؤساء المؤسسات الصحفية الكبرى بعضهم غير راضى عن ما يحدث بالبلاط , أما ساحة البلاط مزدحمة ازدحام شديد , طبعا هتسألوا مين دول هعرفكم عليهم .. عارفين شخصية محفوظ عجب احدى ابطال قصة دموع صاحبة الجلالة هتلاقى كتير منها فى هذا البلاط سواء رجالة او ستات الشخصية الوصولية الأنتهازية المدمرة مستغلة لأخطاء زملائهم والطعن فى الظهر والاسواء يعضهم عملاء النظام الفاسد وامن الدولة..اما اصحاب الموهبة يعنى عليهم تاهين فى وسط الزحمة يبحثوا عن فرصتهم الضائعة واللى يوصل لازم يفتح مخه او هو حظه..اما دول اللى دخلوا المهنة وهم يبحثوا عن عمل وطبعا البركه فى الجرائد الخاصه والجرائد الحزبيه الصغيرة اصل عقبال عندكم كل يوم يولد حزب جديد حرية بقى ,وطبعا جعلو من مهنة الصحافة مهنة ما ليس له مهنة.. اما المجموعة ديه يسلام عليهم ليعرفوا يعنى صحافة ولايفهموا فيها البركة فى الوسطة والمحسوبية ويسلام على اللى ورث المهنة من بابا او ماما عارفة هتقولوا ايه هى المهنة دى بالوراثة ؟يعنى هى مشكلة كل حاجة عندنا دلوقت بالوراثة ..دول بقى محدش يكلم عنهم دول اللى عملوا انفتاح فى الصحافة رجال الاعمال المستثمرين اللى خلوا القلم يباع ويشترى وعملوا من الصحافة بورصة للاستثمار..يارب اكون وضعت تصور قريب من الواقع المرير فى هذا البلاط
صحفية مغمورة
بقلم/هاله سعيد
|
