على أى حال خسرنا وفى كل الأحوال مكناش هنصعد من دورى الترقية ومحاولات كل سنة منفعتش وادارة الكهربا قالت للنادى اكسب بعرقك مش هنفوت ماتش ما احنا كل سنة بنستنى حد يفوت لنا ماتش وخسرنا وضاع حلمنا وحلم جماهير النادى وعدش قدامنا غير نكنس عليهم مقام ابوخليل وأم ترتر وبعدين المثل القديم قال بيت المهمل بيخرب قبل بيت الظالم واحنا الجمعية العمومية بتاعتنا بتصهين المهم تلاقى كرسى تقعد عليه ومش مهم أموال النادى اللى بيهدروها من غير حساب مش مهم ان حمدى مرزوق يعين عادل نصر مستشار بالفين ونص عشان يتنازل عن قضية رفعها على مرزوق ومش عيب ان عبدالناصر يعين مشرف أمن ويسرى يعين عامل وفلان يعين فلان لحد ماوصلت اجور الموظفين ل 120 الف فى الشهر بعد ماكانت 43 الف الف مش مهم أى حاجه طالما مفيش حد بيحاسب حد والأعضاء مكبرين دماغهم وكل عضو وله شلة ولاعزاء لأحد ولو عاوزين نصيحتى بطلوا تحلموا بقالكم عشرين تلاتين سنة تحلموا ايه ؟ مبتتعبوش