سألونى يامصرى إية وداك الميدان .. مين علمك تحدى الموت على يد خسيس وجبان

.. قلت أسألوا كيان الظلم الجاثم فوق صدور الأوطان ..أسألوة لية لوث دمى ونهش عرضى وباع أرضى من غير لمحة شفقة تظهر على وجهة وتبان

.. خد منى فلوسى وسرق عمرى ورمانى جعان عريان .. تركنى فى غابة عملها لأجل يبرتع فيها الخونه وعملاء الأمريكان .. لا فيها قانون ولا يحزنون فيها بس البطش وفيها السجن والسجان

.. معتقلات فتحت أبوابها لأى معارض يفكر يشعر إن حقه يكون إنسان .. إزاى إنسان وأحنا رضعنا على إدية الذل وإتعلمنا الخوف والإذعان .. يبقى إزاى نفكر فى الثورة ولاحتى نفكر فى مناورة إننا نبقى مشروع إنسان

.. عبارة وقطر وكمان قطر وطيارة فيها خيرة العسكر ماتوا فى لحظة غدر وهما بيتلوا القرآن ..إيه يعنى فى داهيه مالهم لازمة ولا تلاتين يموتوا لاكبار شايفنهم ولا سمعنهم طيب كانوا يروحوا لمين

.. طب أقروا الفاتحة على أرواحهم قالولنا لأ مش قريين .. ليه نقراها ونقراها على مين  عندنا غيرهم بالملايين .. لهم حق إحنا كترنا كترنا لكن على كترتنا مش باينين ..

علشان نظهر كان لازم نزأر فى وجه الظلم ونقول إحنا بنى أدمين .. علشان كده إحنا خرجنا يوم الزحف بالملايين .. خرجنا وروحنا على كفوفنا بدون خوف ولا أدنى تردد  زهقنا  خلاص من حكامنا الخاينين

.. طيب أعيش ليه ولمين وأنا عايش عيشة ما لها لازمة مع حكام  لالهم ذمة ولا أمنوا بوطن ولا دين ... عرفتم إيه ودانى الميدان  مع شهدائنا الشجعان ولا أعيد من الأول تانى وأقول من تانى لأجل عيون الأوطان .