فكر صح :D 

      بوست إيمانى :D هيعجبكم

        فى ظل الموجة الحارة اللى بنعيشها فى مصر اليومين دول تعبت ناس كتير جدا بل واثرت بالسلب عليهم لان فيه بعض الاجسام حساسة لدرجة الحرارة ، بس انا حابب أقول كلمتين بخصوص كدا.
لو نظرنا للموضوع من ناحية الجو والحرارة هنلاقي ان كل سنة بتزيد عن اللى قبلها فى ارتفاع الحرارة وضغط الجو وانه فيه زى عدم استقرار فى الاحوال الجوية طبعا دا يقلق للبعض .

     خلينا ننظر للموضوع من وجهة نظر قد يغفل عنها الكثير والكثير ان ممكن نستفيد من الموجة دى فى التقرب الى الله !!! هل حد فكر فى الجزئية دى ؟
اه ممكن ليه لأ . لو انت كل الجو ما تحس بسخونته تدعو الله عز وجل انه يقربك الى الجنة ويبعدك عن جهنم ولهيبها فعلا حرها لا يقاس وليس له مقابل فكل ما نمر بيه لا يمثل مثقال ذرة من حرها "اللهم قرب إنا نسألك الجنة وما قرب اليها من قول أو عمل " زنعوذ بك من النار وحرها يارب ، اللهم إنى اتقبل هذا الحر ابتغاء وجهك الكريم فابعدنى عن النار يارب .
يعنى ببساطة كل ما تحس بسخونة الجو قول يارب هون علينا حرها يارب ، وبلاش كلمة "أف" دى لانها مش حلوة بتجبلك شعور سلبي بعد ما تقولها .
خلينا نفكر بطريقة ايجابية ونقرب من ربنا فى الاوقات الصعبة دى وبجد والله احنا محتاجين نقرب منه جدا فى هذه الايام .

       أخر حاجة هقولها وانا عارف انى طولت شوية " لما نفكر بطريقة ايجابية هنلاقي الامور بتتحل بسهولة وبنحقق مكاسب " دا عن طريق الخبرات العملية فعلا مفيد جدا

                       بشكركم لمتابعة القراءة - خالص تحياتى أحمد عبدالفتاح