مجلة بشرى الأدبية الإلكترونية – قصيدة : أسمعني حبيبي

 أسمعني حبيبي 





أسمعني حبيبي أقولك
لجل ورد حبك وزهر فلك
أنا فيك يا غرام تايه
وكلي عشق يا قلبي بكلك

حن على قلبي ولو مره
حياتي بلاك صعبه  و مره
عاشق انا لبحر عيونك
والقلب تعذب من صبره

ضمني بقلبك ياليت ضمه
خلني لورود خدك أشمه 
العمر مشى وانت فوق طير 
طاير ولا أقدر يوم أضمه

حس فيني ولو حبه شوي
ترى القلب مكوي منك كي
عذبتني بكثر تفكيري
كأني ميت وانت بعذابي حي

تلطف علي مره و أرويني
ذبحني الظما وانت شاقيني
تدري يا غلاي اني مجنونك
متمني من نظرتك تسقيني

عطني المحبة وارفعني لسماك
ماعاد القلب يقوى الهلاك
مقدر أتجاوز حصونك
وأبقى هنا وانت تبقى هناك






الشاعر 
فهد بن عبدالله الصويغ