مجلة بشرى الأدبية الألكترونية - قصيدة : ست الحلوين

 ست الحلوين 

لما دي بيقولوا عليها عطور
ودي أسمها ورود و رياحين
و الربيع بيبقى أحلى الشهور
آمال يا عمري انتي تبقي مين
لما الملايكة بالسما ويا الحور
جيتيني انتي يا قمر من فين
جايبة منين الحلى والنور
ياريت تقوليها بس بكلمتين
كل من شافك بقى مبهور
يا ساحرة قلبي برمش العين
من نظرة واحده بقيت مخمور
راسي بتلف من شوفتك يازين 
رقة و دلال  و روعة  و حضور
وأه يا وعدي من الخطوتين
لا شفت زيك بعكه ولا بصور
ولا بجبال الألب غيري شايفين
معذور لو حبيتك بصراحه معذور
فين الاقي زيك ياعمري إثنين
سرقتي القلب في  خطوة مرور
والعقل تاه من نظرة و بسمتين
خليني جمبك ساكن يا بدر البدور
يمكن تحني و ترقي من كلمتين
قبل ما أشوفك كنت مستور
ودلوقت بحبك مفضوح م العين 
حني على غلبان بدنيته مكسور 
راح بروحه عشانك للعرافين
زرت الأطبا وبقيت عندهم مشهور
عاشق ودايب ومتمني نظرتين
أيام وليالي بألف عليكي وأدور 
عشان القاكي يا ست الحلوين



 الشاعر 
فهد بن عبدالله الصويغ