مجلة بشرى الأدبية الإلكترونية – قصيدة : يوم جات

يوم جات تعطر بقدومها المكان
أسفرت وحركت بي كل اللي كان
رجعت برجعتها الماضي القديم 
امسحت بنظرتها جروح الزمان
كأن شيء فيني تحرر يهيم
مدري هو الفرحة ولا الحنان
تقول بعيونها قول العظيم
خلى القلب يرجف بلحظة وثوان

هل بقدومها الشوق وهل الفرح 
كأنها المطر لا زارت أرض خراب 
أزهرت وأنورت وقلبي بها إنشراح 
و أسقتني ببسمتها شهد الشراب 
كل زهر الكون بجيتها قد طرح
شالتني بلمس يدها فوق السحاب
من شافها جن لحسنها وبيها سرح 
وأبدى لها بنظراته عشق وإعجاب

رجعت تقول من غير كلمة تتكلم
بنظرة غزال ذوبني بعمر السنين
ليه يا غلى الروح ساكت ومتألم
وإنت الغلى وإنت للقلب كل الحنين
قلت لها بالصمت من غير ما أتكلم
وحشتيني ووحشتني نظرة العين
قمت من غير ما أشعر عليها أسلم
وكأنها قالت بعينها إنتبه للحاضرين

سألتها من بعيد وين كان الغياب
جاوبت بالصمت كنت أحي الغرام 
ببسمة خجل وبصمت زال الضباب
خلت الروح تسكن بالشوق والهيام 
هي حبي اللي غاب واشعلني عذاب 
وهي اللي يوم ردت رجعلي السلام
حب ملأ روحي كأنه عزف الرباب
من عشق مثل عشقي عمره مايضام