مجلة بشرى الأدبية الإلكترونية – قصيدة : مش بتكبري

كل مابتكبري بتصغري 
وعنيا بتشوفك أجمل 
أيوا بشوفك بتتغيري 
لكن زي القمر لما بيكمل 
إوعي ياروحي تتأثري 
لو عن عمرك كنت بسأل

كل يوم عن يوم بيزيد 
وفي ثواني بحبك أكتر 
دنتي ليا جنة وانتي عيد
دنتي فرحة عمري وأكبر 
جمالك وحبك شيء فريد
وحلاوتك بقلبي بس بتكبر

لو رجع العمر بيا تاني
راح ياروحي اختارك إنتي 
دا العمر عدى زي الثواني 
عشان ياروحي ويايا كنتي 
القمر بيغار ويقول يا أناني 
لما يشوفني ويا حبيبتي

بقيتي أجمل بقيتي أحلى 
وكل شيء فيكي بيدوخني
بقيتي غنوة بقيتي أغلى 
ونظرة عينيكي بتسخسخني 
كل ماله جمالك بيعلى 
وكل ماله قربك بيفرحني

صائغ القوافي الشاعر 
فهد بن عبدالله الصويغ