جارى التحميل
استخدم زر ESC أو رجوع للعودة
ما تفاجئت بغدرك
غريبة ما فاجئتني بغدرك
ولا حسيت بزعل غريبة
لأن الغدر هو دايم طبعك
متوقعة منك مو عجيبة
من يوم عرفتك وإنت غدار
كنت أشوفه دايم بعيونك
ماهو غريب علي ليه تحتار
أعرفك وأعرف كل مجونك
تركتك و أرخيت لك الحبل
قلت أتسلى بيك شوي
لقيتك للغدر ساير بلا عقل
وضميرك للأسف مو بحي
تأكدت إنك بالغدر مبلي
والغدر طبعك ماهو تصنع
وإن قلبك لغيري مو لي
ولا يوم من الغدر راح تشبع
الحين منك أنا مليت
ولا عاد لك بالقلب خاطر
لجلك كثير أنا ضحيت
و اليوم ماعدت عليك قادر
حبيت غيرك درس تراه ليك
يعلمك إشلون تكون غدار
نسيت عهدك وكل ماضيك
وأثبت إنك بالحب نكار
تحمل خطاك ونتيجة غدرك
وخلي الدرس قدام عيونك
أنا من رفعتك فوق لقدرك
واليوم أطيحك على سنونك
صائغ القوافي الشاعر
فهد بن عبدالله الصويغ
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش