أبـيك تحـبنـي

أبيك تحبني   

أبيك تحبني قدر حبي لك و أكتفي
ما أبي منك زيادة فيه ولا نقصان
أبيك ترعاني مثل ما راعيتك يالصفي
وتبتعد عن خريف الشوق و النكران
أبي أشوفك دايم قدام عيني لاتختفي
ولا أبي أسمع منك كلمة هجر ونسيان
بعت لي قلبك وأنا اليوم لقلبك أشتري 
بروحي ودمي وأدفع لك أغلى الأثمان 
أبيك يا غلاة الروح تكون لحبي وفي
تشوف الوفا مني ولا يجيك حرمان 
أبيك تشعل القلب لا غاب عني وغفي
تغرقني ببحر حبك وعلى شط الحنان 
أرجوك لا تخلني بغرامك يوم شقي
أرجوك خلني بالحب عاشق بإمان 
أبي كل ما رمشت عيني بعينك نلتقي 
ونخلي قمر الليالي فوقنا سهران
أبيك بقلبي يا قلبي دايم تتقي
ما أبي يوم أكون على حبك ندمان 
أخترت من نجوم الليل نجم نقي
أعلقه على صدرك يا سيد الخلان
كتبت على شفافك من وحيها نستقي
أحلى المعاني وأغلى حروف الحسان
بغرامك يا عمري الروح دايم ترتقي 
وغلاك بالقلب يخلني بالكون سلطان

صائغ القوافي الشاعر 
فهد بن عبدالله الصويغ