ماخصــكم قلبـــي

ما خصكم قلبي

تسألون عن حبي وعن قدر غلاه 
ما خصكم قلبي ولا لكم أبد فيه
حبي يخصني و قلبي هو من بغاه
ليش تسألون و تدورون دوم عليه
خلكم بحالكم دام القلب يهواه
ودامني أعيش حبه وبعمري أراضيه
الحسد طبعكم يكفيني ربي بلواه 
ويش تبون منه دامني بقلبي أراعيه 
إتركوا اللقافة ولا تكثروا الإشتباه
ترى من تسألون عنه بالروح أفديه
ما عليكم مننا ولا من حقكم الإنتباه 
فؤادنا حر و بشمع عشقنا ندفيه
لا تكثرون الهرج وهرجكم عرفناه
حقد الحاسدين دايم دوم تلاقيه
لا تسألون عنا ولا نبي منكم رعاه
حنا بدينا بالحب ولا مرض نشفيه
هرجكم نميمة وغيبة و العفن معناه
وعهد علي حبي ما تعرفون طاريه
مثلكم ما يعرف الحب ولا يقواه
دام تجهلون قدره و تجهلون معانيه
الحب و الغرام للي مثلي نجاه
ولمثلكم شر و بليه تحطمون لياليه
القمر والنجم للعاشق يرفعه لسماه
و لقلب الحسود نار شابه دوم بيه

صائغ القوافي الشاعر
فهد بن عبدالله الصويغ