كفاية ظلم
جاي ليه تسئل عن حب أيامك
هو إنت كنت حافظت عليه
بتسئل ليه بعد زمان غيابك
مش قلتلي خلاص إنسيه
إوعى تقولي إن الشوق جابك
وإنك لسه عايش بتفكر فيه
ولا حسيت بألمك و عذابك
اللي عيشتني فيه طول لياليه
عايزنا نفتح صفحة جديدة
خسارة ياريت قلت لي قبل ماأرميه
يا ترى حتكون من كتابي ولا كتابك
ولا صفحة جديدة بعذابك ححكيه
عايزنا نمشي في سكة بعيدة
طب و الماضي اللي كنت أبكيه
ياريت تقولي أيه أخبار أحبابك
و إيه اللي خلاك تكره ماضيه
أهو بعد ما دوقتني زمان هجرانك
والنهاردة بدموعك جي بتشكيه
بقى بحضن غيرك وساب أحضانك
أهو هو ده الزمان اللي حتلاقيه
جابك ليا بدموعك و أحزانك
و عايز ترجعلي عشان تشمت فيه
بعد ما هجرك و مشي و سابك
عايز تاخدني سلمه عشان تأسيه
عمري ما أكون لعبه عشانك
عمر حبي بزمانك ما راح تلاقيه
نسيت حبك و نسيت كل زمانك
و ياريت إنت متسئلش عليه
عمر حبي ما تجيبوا على لسانك
نسيته بعد ما قلتلي إنسيه
إنت اللي إخترت زمانك وأوانك
ولازم تتحمل كل مأسيه
كفاية ظلم لو كنت بمكانك
وكفاية عليا إنك مش ملاقيه
صائغ القوافي الشاعر
فهد بن عبدالله الصويغ
2-1-2016
ساحة النقاش