الخــيانــة
شكرآ لحبك شكرآ على كلامك
شكرآ لوعودك اللي و عدتيني
شكرآ لصدق مشاعرك و غرامك
شكرآ لك تشكرك دموع عيني
حسبت نفسي الغلا بأيامك
لقيتك بغلاية دوم تأسيني
سكنتني فوق السحاب بسلامك
ثم من فوق السحاب رميتيني
كنت دنيتي عيشتيني بأوهامك
تدعي الوفا وإنت بغدرك حرقتيني
لحظة خيانتك كنت واقف قدامك
أشوفك وياه وماكنت تشوفيني
من ظلمك صدقت كل أفلامك
وثقت فيك سنين وإنت بتخدعيني
كنت عاشق و أعشق تراب أقدامك
وبنفس الوقت كنت معاي تغشيني
صدقتك و قدرت فيك إحتشامك
وإنت بكأس الخديعة كنت تسقيني
شكرآ لذوقك ورقتك ولطف أيامك
إسمحيلي أهنيك قدرتي تجرحيني
سنين وياك وأنا مصدق إحترامك
وإنت بالغدر كنت دايم تذبحيني
شكيتك لربي قدر ما عشت بألامك
تذوقي نار الحب اللي كان معميني
شكرآ لكرمك قتلني كثير إكرامك
شكرآ لضياع وقتك اللي عطيتيني
ما عاد لك توبة من عظم أثامك
وإن توبتي أرجوك لا عاد تجيني
صائغ القوافي الشاعر
فهد بن عبدالله الصويغ
2-1-2016
ساحة النقاش