جارى التحميل
استخدم زر ESC أو رجوع للعودة
أبدآ مش حنسى
أبدآ مش حنسى ظلمك ليا أبدآ
ولا حأغفر ليك دموع عينيا
يا ما سيبتني في بحور الدموع
سهرانه أعاتب قلبي باللي بيا
صبرت عليك كتير وبتحسر
ع العمر اللي معاك ضيعته
لو تحلف الف يمين ويمين
كذاب وقلبي ياما خدعته
حبك ظلم وخداع وسراب
كلمة بتقولها ملهاش مكان بقلبك
لو كل الحب كده زيك
يبقى أسفه مش عايزه حبك
سنين وسنين وانا بداري
وانت مش هنا ولا انت داري
كل الظلم داه وبتقول معليش
وجي دلوقت بتسأل عن حالي
ظلمك خلاك ماتشوفش ظلمك
ونور طريقي من بعد الأسية
من عمايلك فيا عاتبت قلبي
وريحته من كتر غدرك ليا
قتلت حب عمري بقساوتك
وشربتني كاس الظلم وياك
كرهت قربك كرهت صوتك
وكرهت كل لحظه كانت معاك
مش حيفيد الندم واللوم
ولا حأقدر أرجعلك تاني
دنا قلبي مش ناقصة هموم
ولا حيقبل بحد زيك أناني
خليك في دنيتك بعيد عني
وسيبني أعيش دنيتي بسلام
دموعك دي يعني ظالمني
وحرام أرجع للظلم حرام
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش