جارى التحميل
استخدم زر ESC أو رجوع للعودة
حلو الحب
مش عارف بحب ولا إيه
كل اللي عارفه اني بحبك
ولا فاهم بفكر فيك ليه
كل اللي فاهمه بتمنى قربك
الوقت مرت ساعاته ولياليه
ولا ليا فيه غير حبك
يا ترى هو داه الحب
اللي بيحكوا عنه حكايات
بيغير فيا دقات القلب
وبيزود في القلب أهات
مش عارف قولولي طب
ولا داه وهم وتهيأت
أسهر الليل أناجي القمر
وأقول للنجوم أحلى كلام
كأني طاير فوق البحر
وبغني للورد اغاني غرام
برقص فرحان ويا الشجر
وماشي في دنيا الاحلام
لو داه الحب ياعيني عليه
ماشفتش زي حلاوته
بأحب كل حاجة فيه
والكون بقلبي زادت غلاوته
حلو الحب وحلو حكاويه
حلو الشوق وحلو شقاوته
إحساس جميل كله أمل
بيسعد القلب الحيران
وأحلى مافيه لحظة خجل
بتنسى وياها كل الزمان
قولولي ايه وايه العمل
الحب كده ولا مالوش أمان
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش