مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : شاب الشعر

 شاب الشعر 



الشعر شاب و العمر عدى
وإنت لا زرتني ولا عديت
شكيتك للي جعلني بشده
و خلاك تهجر و لا رديت
أنا يا صاحبي كنت ورده
ليه قطفتها و بيدك رميت
كل وسواس جاني أصده
وإنت يا ظالم عني صديت
كل نجم بالسما كنت أشده
أسأله عنك و أقوله شقيت
مدري قلبي إشلون أرده
وأنا اللي ببعدك أنتهيت
ظالم و الظلم فيك يتغذى
على قلبي ياللي ما وفيت
جعلت لك روحي مصده
ولكل أزماتك إفتديت
حسافه ياحب تردى
إبتليت بحبك إبتليت
شكيتك للي مالي أبد بعده
رب الخلايق والبيت
مثل ماخليت دمعي بالمخده
تبكي لخل مثل ما أنا بكيت
ماكنت ادري انك بها الحده
والله أبد فيك ما ظنيت
كل من جاني يشكيك أبعده
لجل تبقى شمعة ما جنيت
الأعوام عندك أقصر مده
ياللي بنار الهجر إرتويت
قالوا انك متهني مرتدي برده
وذا اللي من دنياي ارتجيت
عساك تذوق عذاب الفرقه
وتحس ويش فيني سويت
لكن إن رديت لي بالموده
مسامحك وأنسى إنك خطيت
أصل عشقك من يقدر يرده
أنا بإنتظارك إذا بذنبك حسيت
لا تلوموني تراني موت أحبه
رغم أني من ناره أكتويت




صائغ القوافي