جارى التحميل
استخدم زر ESC أو رجوع للعودة
حبيبي ما بينساش
حبيبي قاسي وما بينساش
من غلطة واحدة قسي عليا
غلطة عادي وما بتسواش
راحت فين منه الحنيه
قولولي أعمل ايه وياه
و إزاي يا ناس بس أراضيه
دنا قلبي و روحي لسه معاه
وهو ولا حاسس بللي انا فيه
أحايله أبوس راسه مش راضي
اجيبله هديه يرجعها
بتعذب لما أشوفه قصادي
و دايمآ كلمة ( لأ ) بسمعها
طب أعمل إيه أنا محتار
مش لاقي اللي يحكم بينا
أروح له يوماتي ليل ويا نهار
وهو لسه مخاصمنا
هو صحيح نسي أيامنا
ولا داه تقل و دلال
بقى بغلطه واحده يظلمنا
ويقطع لينا حبل الوصال
قولولي يا أهلي و أصحابي
أعمل بس معاه إيه
دنا فرحت لما دق الهوى بابي
هو حبيبي قاسي كده ليه
هما حبايبكم بيعملوا كده وياكم
ولا أنا داه حظي اللي لقيته
تفتكروا هوايا زي هواكم
ولا داه ناري اللي هويته
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش