مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : بلاش تقسى

 بلاش تقسى 



مين غيرك ومين نساك
كل اللي بينا في الهوى
مين اللي غيرلك هواك
دحنا كان حبنا للعشق دوى

نسيت كنا زمان في إيه
وإزاي بقئينا بالبعد تايهين
ليه بتهجر قلبي ليه 
وتخلي القلب فعذاب وأنين

نسيت قلبي اللي إديتهولك
دنتا الوحيد اللي ملكته
ولا العمر اللي أهديتهولك
ليه في لحظه بس بعته

خسارة ياقلبي تنسى الحب
وتنسى كل اللي ما ضينا
ليه بتقسى كده ع القلب 
إرجع ونور بالحب ليالينا

مين أساك يا قلبي عليا
وخلاك تبعد و ترحل بعيد
دنتا يا روحي كل اللي ليا
وقربي منك دا هو العيد

إرجع لقلبي ما توجعوش
كفاية عذاب الفراق ليالي
حرام عليك ما تجرحوش 
دنتا عليه يا حب غالي

تعالى ورجع الفرح تاني
خلي الطيور لحبنا تغني
دنتا ماكنتش بتغيب ثواني
بلاش تقسى وتحيرني

رجعني للحب ولياليه
إرجع وإرحم دموع عينيا
دا القلب إنت اللي فيه 
بلاش يا حب تقسى عليا



صائغ القوافي