مجلة بشرى الأدبية الإلكترونية / للشاعر الكبير : صائغ القوافي – قصيدة : ياريت ترجعي

 ياريت ترجعي 






أه وأه لو كنت في مره تسمعي 
وتنسي كل اللي فات و ترجعي 
ياريت تتذكري أيامنا الحلوة
وكفاية توجعي قلبي وتتوجعي 
لا بقولك تعالي غصب عنك
ولا بقولك عشان تخضعي
عايزك تنوري حياتي زي زمان
ومش عشان تخافي وتركعي 
نفسي ترجعي لعشنا الهادي
وبلاش للي حسدونا تسمعي
إرجعي ونوري طريق قلبي
وبلاش لحبل الغرام تقطعي 
إن غلط في يوم أنا أسف
بس سامحيني قوام إتشجعي
دنا في بحر هواك دايب
وعمري ماكنت في حبك مدعي 
مقامك غالي يا ست الكل
وبقلبي ساكنة وفيه بتتربعي
حبك دايمآ بيكبر ويزيد و يكبر
تعالي يا حب لقلبي و ترعرعي
مفيش حد يقدر ياخدني منك
ولا من مكانك يوم تتزعزعي
تعالي إرجعي ياريت تفرحيني
وأنا أخلي النجوم عقد تترصعي
أعملك قلبي جنة وإنتي ملكاها 
بس بقلبي نارك إوعي تولعي






صائغ القوافي