مجلة بشرى الأدبية الإلكترونية للشاعر الكبير : صائغ القوافي – قصيدة : اللعيب

 اللعيب 






يا عيني عليك يا لعيب 
برمش عينك بتصيب
لا في زيك ولا في بعدك
وان غيبت الشمس تغيب

عيونك سود وقتاله
ورموشك خلتني بحاله
من نظرة واحده بتقتلني 
وتخلي دموعي سياله

الخصر ملبن أه ياني
وشفايفك فراوله عجباني 
الشعر حرير على كتافك 
بلون الليل و أسراني

أشوفك أنسى الدنيا 
و يعدي العمر في ثانية 
أنسى شمالي ويميني 
يا أجمل حاجة في الدنيا

بقيت عايش علشانك 
ياللي شاغلني بحنانك 
قولي يا جميل بس إمتى 
تاخدني يوم بأحضانك

لعيب وحريف من يومك
وانا مقدرش الومك
جمالك يديك الحق
ياكايد صحابك و خصومك

إلعب برموشك كمان إلعب
وخلي القلب منك يتعب 
دنا مسدقت ياقمر لقيتك
وبلاش مني بقى تهرب

تعبت يا واد من عينيك 
ومن اللف دايمآ حواليك 
إديني الأمان بس يا عمري 
وحبقى والله رهن إيديك

فرح قلبي اكتر بقربك
ونسيني الدنيا وانا جمبك
مش عايز حد بقلبي غيرك
دنتا مفيش قبلك ولا بعدك





صائغ القوافي