جارى التحميل
استخدم زر ESC أو رجوع للعودة
مستحيل لا تعتذر
إلعب علي غيري
ماعاد لعبك علي يخيل
حبيتك بضميري
مستحيل أصدقك مستحيل
لا تحاول تعتذر وتتأسف
لا تحاول حبك نسيته
كان زمان لكن اليوم اتحسف
إن قلبي لك يوم عطيته
إنت من بديت الخيانة
وخنت قلبي دوم بأفعالك
نسيت إن الحب أمانة
وأهديت غيري قلبك بوصالك
مستحيل أنسى عذابي و ناري
مستحيل ارجع لماضيك
توني لحقت عمري بإختياري
حسافة الحب بس فيك
لا تحاول مافات قد فات
والعمر ماعاد يتحمل ثاني
نسيتك ونسيت الذكريات
بس ما نسيت انك أناني
غلاك اللي كان عالي بالنجوم
رميته لقاع الأرض ونسيتك
لا عاد تلف حولي وتحوم
تراني ماصدقت إني لفيتك
الحب عمره ماكان أغاني
ولا كلام معسول فوق الشفايف
الحب إخلاص وفاء ياجاني
شوف إشلون اليوم أنت خايف
إعتذارك لي اليوم مرفوض
تدري كل شيء أقبل إلا الغدر
عمره ماكان حبي عليك مفروض
لجل تخليني من غير قدر
إرحل وخلني بدنياي أستريح
ماعاد لك اليوم مكان بقلبي
صار صوتك عندي كأنه فحيح
إنت ماتستاهل أبد حبي
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش