بص بقى لما اقولك
يا اللى على بعضك وكلك
احلى حلم حلمت بيه

صدقينى هاتلاقينى
جاى وشايل دمع عينى
دا انتى عمرى سكنتى فيه

انتى نبض القلب كله
انتى فرحه وانتى سره
انتى حاضر عشت ليه

ع البعاد ربى يعنى
مهما بيكى يمر سنى
عمر تانى ما اخاف عليه

قربينى وارحمينى
ومن لقاكى ما تحرمينى
دا قلبى من حبك ساقيه

عيشت ليكى العمر كله
عشت حلوه وعشت مره
اوعى منك تحرميه

هانتظر عمرى الاخير
انى اكون بيكى الامير
لما تانى تأسريه

سلمى كدا بالايدين
وارحمى دمع العينين
ف دمى اسمك هاتلاقيه

اكتبيلى اسم تانى
اسم محتاج للمعانى
انتى بس بتفهميه

ارسمينى حرف عالى
حرف محتاجلك تعالى
انتى بس بتكتبيه

اعزفى عزف الليالى
عزف ما يكونش ف خيالى
وبإيديكى تلحنيه