اشعار خفاجه

كل ما هو جميل وجديد فى عالم الابداع الحرف يلى الحرف ليجعل الكلمه تنطق


(سورية)
ربى احميها سوريا حبيبتى… من غادر ظلم اهاليها

قام بيحطم قام بيدمر ….وفقد م الاخلاق معانيها

سوريا دى كانت حلوه جميله…. وكانت غنوه بنغنيها

كانت رمز الكون وجماله ….. وكرم اهاليها محليها

برئيس مجنون ……حطم كل الاحلام فيها

ازاى ينسى……….. انه كان ساكن ضواحيها

ازاى يقتل اب وام …. ازاى يجى عليها ويأذيها

ازاى يرجع او هايفكر…….انه حالف يوم يحميها

وادى الجيش الحر اهو واقف …حالف هايرجع اراضيها

ما كفايا الارض بقت فيها نار ….بعد ما كان الحب ماليها

ارجع بقى وكفايا دمار …… دا احنا بأرواحنا هانفديها

جاى ورافع كفنى بأيدى …… علشان سوربا وكل ما فيها

قومو يا شعوب الكون واترابطو …..وادعو معايا بنايحميها

سوريا الاصل سوريا كرامه ……… وبالايمان ربى ينجيها

اما يا بشار لك عندى كلمه….. بكره راسك تسقط فيها

بكره عيال الدوله بحالها ….. هايمسكو راسك يلعبو بيها

ومسلسل راح ينزل عنك ….. ادى سوريا وادى حاميها

وكل الناس راح تشهد ان …… حاميها صبح حراميها

وديه اخر كلمه هاقولها …… ربى بالحق معليها

اما شبابك انتى يا سوريا …. كلمتى دى ليهم بهديها

قومو وثورو ………. وهاتو عاليها تحتيها

  • Currently 0/5 Stars.
  • 1 2 3 4 5
0 تصويتات / 189 مشاهدة
نشرت فى 1 ديسمبر 2012 بواسطة ezatkafaga

عبد المنعم خفاجه

ezatkafaga
»

ابحث

تسجيل الدخول

عدد زيارات الموقع

44,451