تاني لقاء
*******
في تاني لقاء بينا
أخدت وردة حمرا
و زرعتها جوة شعرك
و سمحت لوردة تانية
تبوس كل ميللي فـ خدك
وشوشتها و قربتها من ودنك
عشان تقولك عـ اللي
نفسي أقوله بس ما أقدرتش
على حلم عمري اللي فات
و طل فاجأة من سكات
في ضحكة طلت من شفايفك
و دوبت مني الآهات
********
قلت لي بوشوشة حنية
و نظرة شوق مخبية
و حضن أمان و مراضية
أول لقاء مايتنسيش
ده كل عمري مايساويش
من غير حنانِك إزاي أعيش
تعالي جنبي و ماتخافيش
اوعى تخبي حبك
اوعى تخبيه .. ماتتكسفيش
سعاد الزامك
