من كلماتي....................ابو الهول يتحدث..................
الموت سكوت...والصوت ضمير.....انا كنت علي عيونك باأغير....عايزاني ليه اكون صنم....جنب الهرم....حارس لحلمي اللي اتظلم....تحت القمر....عايش غفير...علي كنزهم من دمنا...وهمنا ماهمهم...مليون سنه...وظهري فيكي اللي اتحني...من ظلمهم...زارع سنابل فرحتك...علي ارضنا وارضهم...زلزالها طايل زرعتك....بركان ودمر زرعنا.....كان الغنا....موال لكل المجروحين...في حلمنا عايش سنين....حتي الانين....صوته انخرس....نفس الجرس...انذار مرار بينحبس....في قلبنا...عايزاني ليه اكون فرس....مركوب ركوب...يعدي علي يأس الامل....فوق الدروب....مغصوب حزين....وازاي تدوب.....نغمه صهيله الطيبه....وقت الغروب وقت الصبا...ده انا كنت مارد في الحروب...شايل دروعك كلها....وبيحرسك....عايزاني ليه صوت يخرسك....ويعيش اسير....ده الموت سكوت....والصوت ضمير ....وانا لسه علي عيونك باأغير