كنت الاناني
نسيت الدني بعدما عرفتك و حبيت
عشقت بجمال الروح قلبك مطهرو
عشت الهني بعدما عشقتك وضليت
نذرت لعفاف صروح حبك اسهرو
وبقيت حدك كلما بوحدتك حسيت
وطفيت حرق جروح لوعك اطمرو
كنت الاناني عندما لرغبتك لبيّت
فيي الغريزة شفيت طهرك اسحرو
غدار ماكر حب ع دروب الهوى
رمشو صِلي محتار فكرك يلعبو
غدار ماشي الدرب شهوات النوى
سرّك عرف بحّار موجك يقلبو
خليت فيكي النار قلبك ينكوى
اروي ظمأ بالحب عطفو وملعبو
تاصرت فيكي جمار حسّك بالغوى
ادمان صار الشوق لمسي ومطيبو
شاخ العمر و القلب بالبرد نحرق
عايش وحيد الروح مكري ومطمعو
باح الفكر بالغلب بالجَد نسبق
باقي عميق جروح ليلي ومدمعو
كيف الاناني كنت اللي بفجري شرق
بعت الشرف و الجاه عمري ومطلعو
حاير لوين بروح وبحوري غرق
ماعاد بين الناس يصدقني حدا
ولا عاد قلبي يحب غيرك يسمعو
رامز عيد
٢٨/١٢/٢٠١٥
