‫#‏اديني_رمضان‬ 

اتولدنا بنبكي 

فتحنا عنينا 

بنبكي 

حتي لما كنا بنقول يابابا 

كان بابا دايما بيبكي.. 

هو البكي طبع الحياه؟ 

ولا طبعك يا بابا؟!! 

كنا عيال شايفينه ساكت... 

كأنه شايل حمل جبال 

او موجه شديده عليه هاجت 

ودخل مع البحر في سجال.. 

زي العيال محتار....... 

كان دايما يقولي..... 

انا نفسي يابني تطلع حمار!!! 

او فكرك يكون عقيم 

وكنت اقوله هاكل ايه؟ 

برسيم؟ !!!! 

كان رده عليا لا....... 

تعتيم!!!!!!!! 

اوعه يابني تفكر في الصميم 

مالصميم طريق غير سليم!!!!!!! 

حقي وحقك سيبه لربك 

هو بينا رؤف حليم 

اوعي يابني تكون حكيم!!! 

اوعي يابني تكون شاعر 

ده الحكيم انسان لئيم!!! هه

واللئيم اساسه شاعر!!!! هه

هما شايفين الحقيقة.. 

احنا...... لا!!!!!!!!!!!! 

هما راجل شاف طريقه 

مجبورين نكون معاه 

احنا ثانيه في الدقيقة 

والدقيقه عمر كامل 

لاء حياه......... 

عيشها ساكت.

بدون لسان......! 

ادفن لسانك في الكيان 

والكيان مسيره يابني في التراب 

والتراب بعد العذاب.... 

اول احساس بالامان 

عيش جبان!! 

موت جبان!! 

احتضار باحتضار.. 

احتقار باحتقار.. 

اشتغاله فيها سكر... 

طعمه مبلوع بالمرار 

استهانه و اهانه 

اشتغاله انتصار.. 

لاء مرار لاء مرار 

دود معشش في الغيطان 

امته هنشوف احتضان........؟

امته تسلم الايادي......................؟ 

ولا اقولك........................... باختصار 

إديني رمضان. 

اربع فرخات و دجاجه 

ومحدش فاهم حاجه 

‫#‏عمرواللمعي‬