أحـــــــــــــــــلام
...................
أحلام وشغلالى بالى .. ياخلق ايه اللى جرالى ؟
حبيتها ، أيوه انا حبيتها .. وياريتها كانت حاسه بحالى
أحلام ، وشغلالى بالى
ساكنه ف كل أشعارى .. مرسومه ف ليلى ونهارى
ولما اعزف بتكون أوتارى .. طب ليه ساكنه ف العالى ؟
أحلام وشغلالى بالى
أحلام وشايفها حقيقه .. لافارقتنى ساعه ولا دقيقه
بتمر تقول نسمه رقيقه .. تدندن ف غنايا وموالى
أحلام وشغلالى بالى
أحلام يافتاة أحلامى .. ياحبى ، ياشوقى ، ياغرامى
لأمتى ح اعيش لأوهامى .. وأمتى حتكونى حلالى ؟
أحلام وشغلالى بالى
......................
عبدالحميد المرسى
