مش كنت تقولى
إنك مش راجعة
وإنك مفارقانى
وغيبتك هتطول
مهترجعيش تانى
مش كنت تقولى
قبل ما اتعلق بحبالك الدايبة
قبل ما أغرق فى حبك الفانى
قبل مااسهر ويا أحلامك
قبل ما أعيش قصتى الخايبه
مش كنت تقولى
إنك غدارة و سهل عليكى تبيعى
ياخسارة كل إللي عملته عشانك
ياخسارة على أسعد لحظاتى
ياخسارة سهرى ليلاتى
مش كنت تقولى
قبل ما اكتب كل قصايدى عليكى
وأنسى كل الدنيا وأفكر فيكى
واهجر كل الناس وأجرى عليكى
بس أنا لازم أقولك
ولازم تسمعى منى
كل كلامى للآخر
أنا لازم أنساكى
زي ماانت نسيتى
أنا لازم أحرق قلبك
ياحرقة قلبى عليكى
انسى كل كلامى
عنك وعليكى
انسى إن أنا حبيتك يوم
و إنى خفت مرة عليكى
انسى ملامح وشى
ونظرة عينى المشتاقة
دايما لعينيكى
انسى كل ابتساماتى
كل جروحى و آهاتى
والحب إللي فى قلبى ليكى
انسينى أصل أنا كده كده هأنساكى
واوعى ترجعى تانى
مبقتش مشتاق ليكى
ولا عدت مآمن ليكى
خلاص أنا هانساكى
وأنسى حكايتى معاكى
وكأنى عمرى ماشفتك
ولا مرة فى بالى جيتى
على فكرة انت الخسرانة
وربى هيعوضنى
كل خسارتى فيكى
كل خسارتى فيكى
شاعرالحب#
