حكمك مهوش فرمان
ملعونه أحكامك
لا أبوكي كان سلطان
ولا كنت خدامك...
.......
بتقولي موت 
مش أموت
بتقولي فوت
مش أفوت
عايزاني اموت بسكوت؟؟
دا كلام في أوهامك
حكمك مهوش فرمان
ملعونه أحكامك..
.......
يا معلماني الصبر
هتحمل المكتوب
لو حتي جوا القبر
هتقولي توب ....مش اتوب
أصل الكلام مش حبر
وفيه كلام محجوب
فما تزوريش حلمي
وما ازورش أحلامك
حكمك مهوش فرمان
ملعونه أحكامك...
........
بس انتي ليه وازاي
تقوليلي ما احلمشي
حلمك في كل منام 
طب يعني انا ما نمشي؟؟!
ولا اما اشوف حلمك
في منامي متربع
أقول لحلمي بلاش
يا حلم قوم نمشي؟؟!!
بالزمه مش دا جنان
ما تظبطي كلامك
حكمك مهوش فرمان
ملعوووووووونه أحكامك....‫#‏ناصرالريس‬