......................... اى حاجة ...............................
مسكت جرنال قلت اهو أدينى أقرا اى حاجة 
لقيت أعلان لشركة مش عارف نشاطها أيه أهو أى حاجه 
عامله أعلان عن وظيفه بدون شروط ولا أى حاجة 
المهم تكون جميلة ومستعدة للتأخير بالعربى لكل حاجة 
مؤهلات .جمال.أناقة.شياكة.لبس موضة فى كل حاجة 
لافى لغات ولاشهادات ولاتعرف فى أصول الشغل أى حاجة 
واضح أن الشركة دى بتبيع كلام من اللى تعرف عنه حاجه 
لقيت مراتى بعد الغداء قالتلى عايزة أكلمك بس فى حاجة 
قلت بصراحة أنا عايز أنام مش قادر أسمع أى حاجة 
قالتلى ده موضوع مهم ححكيهولك عالسريع مش واخدة حاجة 
قلت قولى ماأنا عارف أنى لو عارضتك لا أنا حنام ولا حتى حاجة 
قالتلى فى شغل لبنتك شركة عاملة أعلانات عن كل حاجة
قلتيلها فين قالتلى عارفة مكانها وتليفوناتها وكل حاجة 
فوجئت أنى بسمع عن الشركة اللى مش عايزة أى حاجة 
قلتيلها ايه هو أنتى واخدة الدنيا كده سهلة وبسيطة فى كل حاجة 
يرحم أبوكى دول ناس جبابرة محدش يعرف عنهم حاجة 
أسلوب كلامهم فى أعلانتهم يخلى نفسك مش فاهمة حاجة 
قالتلى ايه كل حاجة عندك ليها حل ولا أنت عارف حاجة 
أنا قلت البنت تجيب جهازها وتساعدنا فى أى حاجة 
قلتلها ياستى لو سمحتى أنا حجهز ومش مستنى منها حاجة 
بس بلاش تخدى الأمور كده ببساطة وأنتى مش عارفة أى حاجة 
..........................................................
من خواطر ...... طارق عطيه